Najugaqarneq pillugu

Suliassanut tulliuttunut akiliuteqartitsisarpugut:
Initaarnissamut utaqqisut allattorsimaffianniinnermut, allamik initaarusulluni allattuiffimmiinnermut aamma ineqarnermut qularnaveeqqusiinermut – 100 kr.
Nukingisaarilluni allakkanut – 150 kr.
Inip attartukkat attartugaajunnaarneranut imaluunniit taassuma atorunnaarsinneranut – 250 kr.
Naafferaalluni akilersuilernissamut isumaqatigiissuteqalernermi akiliut – 500 kr.
Naafferaalluni akilersuineq, qaammammut akiliut – 50 kr.
Inigisamik paarlaassinermut – 250 kr.
Attuutsiinnarlugu ammaasartumik matuersaammut nutaamut – 100 kr.

Illuut majuartarfinni tamani allagarsiivinnik nivinngaavoq. Taakku atorneqartassapput ininik allaffissornermi ingerlatsisunit aamma Illuummit nalunaaruteqartarnernut.

Immikkut biilinut uninngasarfinni batteerinut immersuisarfinnik inissiisoqarpoq, taakkunani ineqartut innaallagiatortunik biilillit biilit batteeriinik immersuisinnaallutik. Siullermik biilinut uninngasarfiit Tuapannguit 7-mi, Igimap eqqaani aamma Suloraq 15-imi inissinneqarput.

Illuut A/S-ip najugaqarfiini elevatoreqartiterpoq. Arlaatigut elevatorit ajoquteqarpata piaartumik nalunaarfissaq tlf. 34 35 40.

Illuutip illorsuaataanut tamanut matuersaateqarnermut elektroniskiusut Salto-matuersaatit atorpai. Tamanna atuuppoq inissiamut isilernermut, matumut isertarfiusumut, toqqorsivinnut aamma ininut sikkilinut inissiisarfinnut.

Illit iserterninni matuersaatinik attuutsiinnarlugit ammaasartunik sisamanik tunineqassaatit, taakku attuutsiinnarlugit ammaasartut tamanut matunut pisariaqartinneqartunut atuupput.

Nalaatsortumik matuersaateqarnak anillutit ammaasinnaajunnaaruit nammineerlutit uagutsinnukassaatit nutaamillu attuutsiinnarlugu ammaasartumik matuersaammik ataatsimik nutaamik pisillutit. Nalinginnaasumik ammasarfiup avataatigut taamaalisoqarpat sianersinnaavutit tlf. 34 35 40-mut, tassannga GFS-imut ingerlateqqinneqassallutit. Illit nammineq ammaatitinneq 500 kr.-it missaanniittoq akilissavat.

Igalaanut tamanut aamma altanit matuinut isumannaallisaalluni mappernaveeqqutinik ikkussisoqarpoq illit qitornatit isumannaallisaavigalugit. Illit inigisanni mappernaveeqqummik amigaateqassappat allaffissornermi ingerlatsisoq saaffigisinnaavat.

Illuut illumik piginnittutut sillimmasiissuteqarpoq ruujorit aamma eqqaaveqarnermi ajoqusiinernut, ikuallannermut aamma allatigut illuutigisap ajoquserneranut tunngasunik matussusiissumik.

Ininik attartortut kajumissaarneqarput pequtitik pigisatillu sillimmaseqqullugit, ikuallattoqassagaluarpat aamma imermit innarliisoqassagaluarpat assingusumilluunniit pisoqassagaluarpat inimik attartortup pequtai aamma pisatai Illuummit taarserneqassanngimmata.

Aggustip aallaqqaataani 2017-imiit suliffimmut atatillugu inigisap nalinginnaasumik attartuganngortinneqarnissaa periarfissaalerpoq. Tamatumunnga piumasaqaataavoq suliffimmut atatillugu ukiuni kingullerni 5-ni ineqarsimasuunissaq.

Illit/ilissi inimik attartukkami ukiuni kingullerni 5-ni suliffimmut atatillugu ineqarsimaguit/-ssi taannalu nalinginnaasumik initut attartukkatut attartugarilerusukkukku/-ssiuk Illuutip allaffissornermi sullissisua attaveqarfigisinnaavat inigisavit/-rsi nalinginnaasumik attartugarilerniarlugu.

Taamaattorli una maluginiartariaqarpat; immikkut qaammatinut 2-nut qaammammut akiliutaasoq qularnaveeqqusiissutitut akiliutigineqassammat.

Illuutip isumagisimavaa inigisani tamani tv-mut attaveqaateqarnissaa, taavalu illit aamma tv-kkut aallakaatitsisartoq aalajangissavarsi boximik imaluunniit allamik atortumik ikkussisoqarnissaa.

Periarfissaqarpoq Illuut ulloq unnuarlu nal. akunnerini 24-ni attaveqarfiginissaanut tlf. 34 35 40-mut. Ulluutillugu Agerskov Consulting, taannalu Matu Security-mut telefonnormumut unnukkut, unnuakkut aamma sapaatit akunnerisa naaneranni (weekendini) ingerlatitseqqiissaaq.