Silaannarissaaneq

Inissiami silaannarissartarfik qaminneqaranilu nalerisarneqassanngilaq imaluunniit matuneqassanani, taamaattoqarpat sanilivit inigisaani silaannaq aammattaaq sunnerneqassammat.

Inissiami silaannarissartarfik qaminneqaranilu nalerisarneqassanngilaq imaluunniit matuneqassanani, taamaattoqarpat sanilivit inigisaani silaannaq aammattaaq sunnerneqassammat. Silaannarissartarfiit eqqaanni pujoralaqarluarnera pisarsinnaavoq. Inassutigaarput tamatuma nalaata støvsugerneqartarnissaa. Erruut masattoq atussanngilat.

Tuapannguit aamma Peqqik-napasuliat

Illuutigisami tassani inissiat igaffimmi emhætte aamma uffarfimmi silaannarissartarfik aqqutigalugit silaannarissarneqartarput. Silaannarissaatit qaliani inissisimapput.

Silaannarmik aniatitsineq

Igaffimmi: Emhætte ikinneqaraangat miligartaat ammartarpoq silaannarmillu silammut milluaanerulersarluni, miligartaat nammineq matusarpoq piffissaq aalajangersimasoq qaangiukkaangat, imaluunniit emhætte qaminneqarpat.

Uffarfimmi: Uffaraanni uffarfimmilu isugutanneruleraangat, taava miligartaat ammartarpoq silaannarmillu milluaanerulersarluni, miligartaat nammineq matusarpoq isugutakkunnaamigaangat.

Silaannarmik isaatitsineq: Silaannarissartarfiit igalaaniittut imaluunniit silammut iikkaniittut silaannarmut silaannarissaatitut atorneqarput.

PINGAARTOQ

Igalaani aamma silammut iikkaniittut silaannarissartarfiit ammasassapput matoorneqassanngillallu. Uffarfimmi silaannarissartarfik (kontrolventiili) nipinnertuumik imaluunniit pappiaqqamik matuneqassanngilaq.

Suloraq, Norsaq aamma Igimaq

Taakkunani illuutigisani inissiat silaannarissarneqartarput imatut kiak aniatinneqartoq atoqqinneqartarluni silaannarmillu isaatinneqartumik kiassaasarluni. Atortoq taanna ingerlajuaannartuuvoq.

Silaannarmik aniatitsineq

Igaffik: Igammi milluaasoq (emhætte) ikikkaanni matuaraq ammartarpoq silaannarmillu milluaaneq sakkorsisarluni, matuaraq piffissaq ingerlanerani nammineq matusarpoq imaluunniit emhættep qaminnerani nammineq matusarpoq.

Uffarfik: Uffarnermi inimi silaannaq isugutanneruleraangat matuaraq ammartarpoq milluaanerulerlunilu, isugutallu annikillippat matuaraq taanna nammineerluni matussaaq.

Silaannarissarfiit: Silaannaq kissartoq inimut/torsuusamut ininullu allanut kontrolventilikkut isaatinneqartarpoq.

PINGAARTOQ

Silaannarissartarfinni sakkortussuseq aalajangersimasoq nikisinneqassanngilaq, aamma nipinnertuumik imaluunniit pappiaqqamik matuneqassanngilaq.