Uumasuuteqarneq

IIlluut-ip inissiaatai atorfeqarnermi atat ntillugu imaluunniialinginnaasumik attartortittagaapput. Illuut Namminersorlutik Oqartussanit pigineqarpoq, taamaattumik Namminersorlutik Oqartussat sinnerlugit uumasuuteqarnermut malittarisassanik atuutsitsivoq.

#

Inimi attartukkanni qimmeqarniaruit imaluunniit qitsuuteqarniaruit kommunimiit akuersissummik peqaqqaartariaqarputit. Matuma kingorna Illuut-imut akuersissummik qinnuteqassaatit.

Akuersissummik peqarnak qimmeqaruit imaluunniit qitsuuteqaruit, maleruaqqusanik tamanna unioqqutitsineruvoq, tamannalu inimik attartornivit atorunnaarsinneqarneranik kinguneqarsinnaavoq. Siullertut aarlerisaarummik nassinneqassaatit, matuma kingorna qimmit imaluunniit qitsuutit pigiunnaanngikkukku imaluunniit akuersissummik pissarsinissat isumaginngikkukku, illit inimik attartornerit atorunnaarsinneqassaaq.

Aalisagaaraateqarsinnaavutit, timmiaateqarsinnaavutit ineqartillugu aamma kikkaasuuteqarsinnaavutit ineqartillugu kiisalu saaniluuteqarsinnaallutit. Taakkununnga taamaalillutit akuersissummik qinnuteqartariaqanngilatit.

Piumasaqaatit


Illuut-ip qimmeqarsinnaanerit imaluunniit qitsuuteqarsinnaanerit akuerisinnaavaa:

• Politiit qimmiat imaluunniit tappiitsut qimmiat pineqarpat

• Kommunimit akuersissummik peqaruit

Qimmeqarnissat imaluunniit qitsuuteqarnissat Illuut-ip akuerippagu, inimut attartornermut sillimmasiissut qaammatinik pingasunik naleqartoq saniatigut akiliutigissavat.

Eqqumaffigissavat akuersissut uumasuutigineqartumut pineqartumut taamaallaat atuummat. Qimmimik imaluunniit qitsummik allamik pisaarniaruit, taamaalillutit akuersissummik nutaamik qinnuteqassaatit.

Qinnuteqarneq


Akuersissummik qinnuteqarniaruit qinnuteqaammik allaganngukkamik sanassaatit, taassumalu imarissavaa:

• Qimmeqarnissamut imaluunniit qitsuuteqarnissamut kommunip akuersissutaata nuutinnera

• Ateq, najugaq kiisalu inuup normua

Illit najukkanni Illuut-ip allaffissornermi suliaqartitaa Agerskov Consulting-imut qinnuteqaatit nassiulluguluunniit tunniutissavat, email adm@agerskov.gl